قیرغیزیستاندا جومهوریت پارتیسی لیدری اؤموربک بابانوفون باشیندا اولدوغو دؤرت پارتیلی کوالیسیون حکومتی بوگون آند ایچدی
جومهور باشقانی آلمازبک آتامبایفین ده حاضیر اولدوغو تؤرنده باشباخان اؤموربک بابانوف ایله کابینهدهکی ۳ باشباخان یاردیمجیسی ایله ۱۶ باخان و بیر کومیته باشقانی آند ائدهرک گؤرهوینه باشلادی.
جومهور باشقانی آتامبایف، بورادا یاپتیغی دانیشمادا، حکومتدن، مامور ساییسینین آزالتیلماسینی، انرژی سکتوروندهکی سورونلارین گئدریلمهسی اوچون چیندن مالی اعتیبار اوچون باش وورماسینی، یارغی رفورملارینین سوردورولمهسینی، اؤلکهدهکی پترول و دوغال گاز رزرولرینین وئریملی و یئترلی دوزئیده قوللانیلماسی اوچون روسیهنین گازپروم شیرکتی ایله ایش بیرلیگینه گئدیلمهسینی، یولسوزلوقلا موجادیلهیه گرچک آنلامدا باشلانماسینی، مافیا ایله موجادیلهنین سوردورولمهسینی، ۱ سپتامبر ۲۰۱۲ ایلی اعتیباریله اوشاق باغچالاریندا و ایلک مکتبلرده بوتون درسلرین قیرغیز دیلینده وئریلمهیه باشلانماسینی، اؤلکهنین گونئیینی و قوزئیینی باغلایان یئنی بیر قارا یولو ایله چین-قیرغیزیستان-اؤزبکیستان دمیر یولونون اینشاءسینین باشلاتیلماسینی ایستهدی.
قیرغیزیستاندا جومهور باشقانینین گؤرهو باشلاماسی و کوالیسیون حکومتینین قورولماسی ایله بیرلیکده گئچن ایل آوریل آیینداکی دئوریمین آردیندان باشلایان گئچیش دؤنمی ده سونا چاتمیش اولدو.
هیچ نظری موجود نیست:
ارسال یک نظر